عندك علم ما عندي رصيد

عندك علم ما عندي رصيد

عندك علم ما عندي رصيد * وعندك علم ما نحمل بلاك
وعندك علم نا انعزك اكيد * امغير الكرت قارضني امعاك
*
عنك علم مالشوق العنيد * اريافي نجم راحل في سماك
وعندك علم في عمري الوحيد * انت وبس والباقي افداك
وعندك علم من جدا وجديد * انغالي فيك وانجدد هواك
وعندك علم كي تبقي بعيد * ايزيد امعاي سبحانه غلاك

*
عندك علم تمالي غلاك * كيف الدم يجري في الوريد
وعندك علم نا قلبي معاك * عندك علم دقاته اتزيد
عندك علم ساحرني غلاك * زولك فيه كيف اني وحيد
*
وعندك علم مانواري غلاك * عندك علم في ودك وديد
وعندك علم ما عندي سواك * هايم بيك هيمان المريد
عندك علم شارة في دفاك * وعندك علم نرجا في المزيد
وعندك علم هنا او هناك * عندك علم نشتقالك اكيد