الرئيسية
لا راحتي لا هنوتي لاروفه
من يومها راحت علي حسوفه
يوم تركتي لمساول
بوعين سودا والغثيت أطّاول
تمة الخاطر ف النسيّه إيحاول
بايت كسير حايط العقل بخوفه
ماله احظوظ انفيت خيرايفاول
يحلم ابها وينوض يشكي ضروفه
تلحظ العين بدمعها تجّاول
والقلب يبدا في زنين ادفوفه
نا الحزن عندي ياعزيز أطّاول
وطاول عذابي ونغزتي بسيوفه
نا راحتي عادتني
علي ترك العزيز وهجرتي لامتني
حتى البسمه ع الشفا فاتتني
قالت حرام اتشوف يوم اكنوفه
لا ف حلم لا في يقظتي زارتني
وحتى بصيص الفرح ماله شوفه
يانا علي نار الغلاء احرقتني
وشوق الحبيب خطّر علي أزلوفه
ذكرى عزيزة ف البعيد رمتني
وحطت عليّ أثقال فوق أصفوفه
نا الي تركته ونادم
كي ندمة نبي الله بونا يادم
وين ما كلا تفاحته وتهادم
غادر جناين ربنا وعطوفه
تمه سكين الوطن فيه تخادم
جيلا وراه أجيال خاب أكفوفه
وانا سكين الهم روحي رادم
حتى الشقا عندي انجيه لهوفه
يقرب العندي نمسكه ونصادم
ونبكي علي فقد الحبيب وطوفه
من يومها راحت علي حسوفه
