الضحك بعته والطرب انسيته

الضحك بعته والطرب نسيته
الضحك بعته والطرب نسيته.....ماشي من غير المشاكل ريته
فقلت:
انسيتهن ضحكاتي....وانسيت الطرب نزلهتن راياتي...وليوم هم الياس عندي واتي....نازل علي وجايني تاريته
برمن رياحي ورقدن حالاتي......وينا فزع لقراب ني مالقيته
كل يوم نشكي بعبرتي ونهاتي.....والناس تشبح في بتشميته
مالقيت من يفهم اسلوب حياتي.....يرفع امعاي الحمل لو ناديته
يخفف عليا حصرتي واهاتي......ويرتاح دمع العين في ماقيته
ياعين خوديني علي نياتي.....وقولي سطير الجرح ني ماريته
مادام ماحسوش بمعاناتي......ماتطمعي يبرد اللي حسيته
بالك ايام العز تو اتواتي......ويرجع طرب لنظار وبعافيته
ويبدا مربع مجلسي ومباتي....وناير وزاهي كيف ماخليته
طربنا عدا....وفوق الطرب الياس فايت حده....نازل احدانا من ايام ومدة.....وفيسع احدانا فورت سانيته
جفن امواقين زهانا هدا....بعد الهنا والعز هم جنيته
لا يرجعن بدموع لانجدا.....سبقني عليه الهم ماشديته
عدا خدي وجها وشن بيردا....قداش غالي فارقت غاليته
ونار الجفا بدت امعاه وبدا.....طول الليالي بسهر باليته
كان برم الوقت جابا رده....يجدد هنا ليام في تانيته
وكان عكس ياعين عالي سده....انسي عللهم ماتجيبي صيته
وادعي المولا مايبيد مودة.....وقسم الخلايق كل حد ونيته
الضحك بعته والطرب نسيته.....ماشي من غير المشاكل ريته