الرئيسية
السلام عليكم ورحمة الله وبركاته
اقدم لكم هذه الكلمات على امل ان تنال رضاكم
والكلام ايقول
ردي بالك
غالي ..وفارقني..عليش اهبالك
راك تنعمي يا عين
****
راك تنوحي
علي من مضى فارق وزاد اجروحي
متغصوره مخليك غير اتذوحي
ورا من اللي ايهون عليك زعالك
اصحي راك تبكي وماخذيتي اسموحي
ويبقى القلب داعيلك بفيض مهالك
راك تنعمي واتسيبيني بروحي
لا انجي بغلا لا انجي بكف سوالك
*****
راك اتسيلي
عليه فيض من دمعك ونوح اتشيلي
سبب جرح من باع الغلا امخليلي
نصيب م العنا دون فرحتك صباّلك
امّيل ععلي حظي وعلي تمييلي
امساعد اليوم داير عزيز بدالك
اللي كان ما يبخلش في تدليلي
اليوم كايدك ما عاد ايريد دلالك
اللي كان ميزانه ذهب في كيلي
واليوم دايره بالخاسره مكيالك
وكان لا ايتخيل لا ايريد بديلي
خساره اليوم ذكرى بقي ف خيالك
عدّى مضى فارق وحار دليلي
وذيبل احوالي وزاد صيّف حالك
خطرها نا وصيت واستمعيلي
الله ايربحك مش ناقصه موّالك
انسي اللي كاثر عله دقيلي
هاناك وين تطّبب تهون اعلالك
****
ردّي بالك
غالي ..وفارقني عليش اهبالك
راك تنعمي ياعين
