الرئيسية
يا أم العيون السود ..... صبرنا عليك الصبر ليه أحدود .... والطريق
أفــــــــــــــــرقـــــــــت
يا أم النياب مجالى ..... وياخايله كيف الغزال الفالى
ويا أم الجبين إيبان ضى إيلالى .... لفك شفرتك ماعرفنا كود
فيكم الساعه خايبات أمالى ..... ومنكم أمولى كيف راس العود
أيام الزها راحن أيام دلالى ..... أمنين يا أحنين بالحنان أتجود
ونا قبل متمنى أتكون حلالى ....... بلا مواخذه درتى عليك أسدود
يا أم العيون السود ..... صبرنا عليك الصبر ليه أحدود .... والطريق
أفــــــــــــــــرقـــــــــت
يا غاليتى .... نا قبل متمنيك ست لبيتى
لكن بعد غية اسنين أنسيتى .... خليه توا سرنا مجحود
بأشواق جيتينى أمعاي بديتى.... ودرنا غلا قانون ليه أبنود
غرك المال امعا الغير مشيتى ..... كسر القزازه ما فيوم أيعود
على نفسك الخونه غير كيف أرضيتى ..... بلا جهد نمشوا حيلنا مهدود
الله يسامحك فلحظه الحلم خذيتى..حرثت فى البحر مافيه شى مردود
يا أم العيون السود ..... صبرنا عليك الصبر ليه أحدود .... والطريق
أفــــــــــــــــرقـــــــــت
يا أم الشفايف حمـــر...... خذيتى الخاطر يا أحلام العمر
إيبانن على توصيف لون الخمر ...... وحاجب أمظلم فوق م الخدود
محال نشبحك فى بيض لا فى سمر..ولا فشقر ظنى وصفكم موجود
طياب خبز طيبتيه فوق الجمر ..... وفساعة ألقاى تقابلى ببرود
تبي تركبى يا بنت كان الهمر...... ودوره مع وائل ونا مسعود
فعز القبالى نحصدوا بالغمر..... انتى عارفه أظروفى أيامى سود
يا أم العيون السود ..... صبرنا عليك الصبر ليه أحدود .... والطريق
أفــــــــــــــــرقـــــــــت
يا اللذيذه ..... حياتى أمعاك اتكون قبل سعيده
وتبدي على الكرنيش وإيدك فيده........ قدام الشوامت عزمنا مشدود
ولا إيخاف من عمه ولا من سيده........ ولا خوك يجبد بندقه وبارود
لكن ألقيتك فى الغرام عنيده......... درتى خطا يا وصف ريم الهود
حزين خاطرى سمع الجار غريده...... عليك دبروا يا ريم ها اليهود
إلا تو يرجى فى إيميل بريده ...... بالك النت إيشيلهن لحدود
يا أم العيون السود ..... صبرنا عليك الصبر ليه أحدود .... والطريق
أفــــــــــــــــرقـــــــــت
