الرئيسية
قصيده للشاعر المخضرم الرويعى الفاخرى
ريح الدار جابنها انسام... هاج الشوق في القلب الجريح
رقص في الجوف من حر الهيام... رقصة طير بالشفرة ذبيح
ما ادري كيف ساقني احلام... وامتى جيت هانا بالصحيح
نا للدار جابني اقدام... والا شيل شالتني الريح
بها صبيت رديت السلام... وشلت عيون ماقيهن شحيح
بين اطلال كي خط الاقلام... الممحي دوب ما يلمح لميح
رد الصمت كي صمت الاصنام... في الاحزان للحاير يبيح
تجرح فيه فردية حمام... تنوح انواح تمدحبه مديح
صفير الريح في افواه العدام... وبين الحيط هيالي فحيح
سماها فيه طير الليل حام... قبل الشمس لمغرب تميح
بلكي عيب يا دار وحرام... تلاقي في بالوجه القبيح
رامي جيت من ضيق العلام... براحك ضاق عهدي به فسيح
وهمتي في ما عندي ملام... انكان صحيح تبقى الا صحيح
منك شلت من عشرين عام... ونا بغناي في اركانك صديح
ودم الوجه تايق م المسام... نين يريد ينضحبه نضيح
سواده كيف غربان الظلام... شعر يا دوب خدي مستبيح
انكان رقدت نضحك في المنام...و كان أوعيت مبسوط وشريح
دليف ارعدك في وذني انغام... وليل شتاك في عيني فريح
عجاجك طيب يبري م الاسقام... ودردي ماك في ريقي ذريح
وجيت اليوم من مر الايام... كيفك زاد نا وجهي كليح
وشيب الراس تاقن له علام... فجر اغر في ظلمة يزيح
حسايف كل ما يخيب المرام... بكفي شاب من كثر المسيح
ما من حلم لطنه اقسام... وما من وجه فارقته مليح
صروف الدهر فلن ف العزام... بادن كيف ما يبيد الصفيح
ياريت الدار تقدر ع الكلام... علي ترد بالقول الفصيح
ابقي في خير يا دار وسلام... على الله دوم نسماتك تفيح
سقاك الله من ريق الغمام... وجار ثراك من حر الفحيح
ريح الدار جابنها انسام... هاج الشوق في القلب الجريح
رقص في الجوف من حر الهيام... رقصة طير بالشفرة ذبيح
ما ادري كيف ساقني احلام... وامتى جيت هانا بالصحيح
نا للدار جابني اقدام... والا شيل شالتني الريح
بها صبيت رديت السلام... وشلت عيون ماقيهن شحيح
بين اطلال كي خط الاقلام... الممحي دوب ما يلمح لميح
رد الصمت كي صمت الاصنام... في الاحزان للحاير يبيح
تجرح فيه فردية حمام... تنوح انواح تمدحبه مديح
صفير الريح في افواه العدام... وبين الحيط هيالي فحيح
سماها فيه طير الليل حام... قبل الشمس لمغرب تميح
بلكي عيب يا دار وحرام... تلاقي في بالوجه القبيح
رامي جيت من ضيق العلام... براحك ضاق عهدي به فسيح
وهمتي في ما عندي ملام... انكان صحيح تبقى الا صحيح
منك شلت من عشرين عام... ونا بغناي في اركانك صديح
ودم الوجه تايق م المسام... نين يريد ينضحبه نضيح
سواده كيف غربان الظلام... شعر يا دوب خدي مستبيح
انكان رقدت نضحك في المنام...و كان أوعيت مبسوط وشريح
دليف ارعدك في وذني انغام... وليل شتاك في عيني فريح
عجاجك طيب يبري م الاسقام... ودردي ماك في ريقي ذريح
وجيت اليوم من مر الايام... كيفك زاد نا وجهي كليح
وشيب الراس تاقن له علام... فجر اغر في ظلمة يزيح
حسايف كل ما يخيب المرام... بكفي شاب من كثر المسيح
ما من حلم لطنه اقسام... وما من وجه فارقته مليح
صروف الدهر فلن ف العزام... بادن كيف ما يبيد الصفيح
ياريت الدار تقدر ع الكلام... علي ترد بالقول الفصيح
ابقي في خير يا دار وسلام... على الله دوم نسماتك تفيح
سقاك الله من ريق الغمام... وجار ثراك من حر الفحيح
