الرئيسية
بالشوق مشيتي
بالشوق مشيتي..والشوق مشاني وراك...تنازع العقل شكوك ماصدفت دروب هواك..مشوارك بعيد وشوق
تبسم الثغر بلولي..تميت ننظر حولي..تفاجئت زاد فضولي..
تمنيت كلمه تقولي.. تبين خفا مكنونك..
تبسمتلك..ثغرك تبسم لوله..شفايف علي لولي بشوش خجوله..
لحظات كي أنهن العمر بطوله.. تزاحم كلام واجد نريد نقوله..
غير طولي بالك علي أرجوك..
أحترت منين نبدا وكيف..؟
تفائلت ماتكون الحجايج شكله..
ومن بعد الشقا والزيف
القلب يحساب الزمان ضحكله..
وقفت حسيت بأمان..
سلمت ساورني شكي فالسلام..
(من هنا يبدأ الحوار بينه وبينها)
هو:
ياسمحه نريدك ريدي.. وحب عمري كله..
وندير كيما تريدي.. ونمشو علي شرع الله..
ياريت لو تابيلي..
لوتسمحي قوليلي..
وحليلي طلاسم لغزك..؟
هي:
أنت خوي وأكثر..وآنا صحيح نعزك..
غير غيرت مسداي ونسجته..بغزل ماهو غزلك..
هو:
كياني كلامك هزا..
وفالقلب منك نغزا..
يالوعرفتي مغزا..
رفضي لها المعزه..
مانريد نبقى خوك..
هي:
نحسابك إلا تسلا..
تمنعت عنك وأنت تبي توصلي..
تحسابني نتغلا..
نغريت في لطفي وخفت ظلي..
غيرك القلب أحتلا..
واللي صارلك فالغلا صايرلي..
أنت تريدني وآنا التعت بغيرك..
واللي نريدا عاشق القيتا غيري..
بشوقي مشا كيف مامشيت بشوقك..
لافيدك دوانا لانقدروا نداووك..
هي تتحدث عن حبيبها الآخر:
شافق عليا ماوي..
لايريد يجرح لايريد يداوي..
مليوع كيفي غاوي..ضايق عذاب الغيه..
كيف ماانت غاوي فيا..
نا اللي غاليته ماهوش شاقي بيا..
وجت غيته في غيري..
ياعين ليش تغيري..
علي ناس ما يبوك..؟
هو:
مشيتي فرحتي..
ونا الفرح جافاني جفا..
قلبي جرحتي..
وللجرح ما عندي دوا..
مني أرتحتي..
ومنك نعاني في شقا..
لطن أقسامك طحتي..
في ناس ما يسووك..
والخطاوي تايها ماصدفت دروب هواك..
مشوارك بعيد وشوق
